"Zərərlə bağlı kompensasiyanın ödənilməsinin tam vaxtıdır" - Tural Gəncəliyev

"30 il ərzində 100 minlərlə azərbaycanlı öz dədə-baba torpaqlarından uzaq düşmüşdü". SİA xəbər verir ki, bu sözləri deputat Tural Gəncəliyev Milli Məclisin növbəti plenar iclasında çıxışı zamanı deyib.Onun sözlərinə görə, azərbaycanlıların hüquqlarının pozulmasından danışmayan Avropa parlamenti ermənilərin hüquqlarının pozulmasından danışır: "Biz yenə də insan hüquqları komissiyasında görürük ki, canilərin törətdiyi cinayətlərdən belə danışmırlar. Azərbaycana vurulmuş zərərlə bağlı kompensasiyanın ödənilməsinin tam vaxtıdır. İkinci dünya müharibəsindən sonra cinayətlərlə bağlı örnəklər var. Bu məsələdə dünya müharibəsinin təcrübəsindən istifadə etməliyik".