Düzgün mövqedə yatmaq və sağlam çəkidə olmaq xoruldamanı aradan qaldırmağa kömək edə bilər.
News24.az xəbər verir ki, bu barədə Daily Mail-ə britaniyalı psixiatr Dipeş Mistri məlumat verib.
Həkimin sözlərinə görə, bir çox insan arxası üstə yatarkən xoruldayır. Mistri izah edib ki, dil boğaza daxil olduqda xoruldama artır və tənəffüs yollarını qismən bağlayır. Yan tərəfə çevirməklə bunun qarşısını ala bilərsiniz. Yan üstə yatmağı öyrənməkdə çətinlik çəkən insanlara həkim həmişə başlarını dik tutmağı tövsiyə edir. Bunu etmək üçün çarpayının başını on santimetr qaldıra bilərsiniz (mebeldə tənzimləmə mexanizmi varsa) və ya 30 ilə 40 dərəcə meyl açısı olan "paz formalı" yastıq ala bilərsiniz.
Qeyd edək ki, artıq çəki də xoruldamaya səbəb ola bilər. Həkim qeyd edib ki, insanlarda tənəffüs yollarına təzyiq edən yağ toxumasının yığılması səbəbindən boyun böyüdüyü üçün xoruldamaq daha çox olur. Aydınlaşdırılıb ki, kişilərdə boyun ətrafı 43 santimetrdən çox olarsa, xoruldama ehtimalı artır. Qadınlar üçün bu rəqəm 40,5 santimetrdir. Həkimin fikrincə, hətta kiçik çəki itirmək (iki-üç kiloqram daxilində) xoruldamağı dayandırmağa kömək edə bilər.
Məryəm İlhamqızı
