Bu il dünyada 350 milyon 630 min ton ət istehsal olunacağı proqnozlaşdırılır.
Yeniavaz.com məşhur “statista” portalına istinadən bildirir ki, ötən illə müqayisədə istehsal olunan ətin miqdarının 0,5% və ya 1,93 milyon ton azalacağə gözlənilir.
Qeyd olunur ki, dünyada ən çox istifadə olunun ət quş əti hesab olunur. Ötən il dünyada istehsal olunan ətin 39,6%-ni və ya 139,7 milyon tonu quş ətinin payına düşüb. Ən çox istehsal olunan ətlərin arasına ikinci sırada donuz əti dayanır. 2023-cü ildə bütün dünyada 122,1 milyon ton donuz ətinin istehsal edildiyi bildirilir. Donuz ətindən sonra ən çox mal əti istehsal edilib ki, bu ətin illik istehlakı 72,1 milyon ton olub. Qoyun əti isə 16,65 milyon tonla 4-cü sırada yer alıb.
Son 9 ildə dünyada ət istehsalı aşağıdakı kimi olub:

İllər	Quş əti (mln. ton)	Donuz əti (mln. ton)	Mal əti (mln. ton)	Qoyun əti (mln. ton)
2016-cı il	115,19	118,4	69,11	14,47
2017-ci il	117,98	118,08	69,94	14,71
2018-ci il	123,21	120,71	71,72	14,87
2019-cu il	125,64	117,84	70,38	15,04
2020-ci il	132,07	106,53	71,14	15,43
2021-ci il	135,07	112,86	70,37	16,17
2022-ci il	135.93	120,82	72,22	16,2
2023-ci il	139,68	122,07	72,1	16,65
2024-cü il (proqnoz)	138,75	121,71	73,56	16,61

Elnur Əli