Bakı, 17 oktyabr, AZƏRTAC
Bakı Dövlət Universiteti (BDU) ilə Türkiyənin Ankara İldırım Bəyazid Universiteti arasında “Erasmus” mübadilə protokolu imzalanıb.
Universitetdən AZƏRTAC-a bildirilib ki, müqavilə çərçivəsində bakalavriat, magistrant, tədqiqatçılar və akademik heyətin mübadiləsi nəzərdə tutulur.
Ankara İldırım Bəyazid Universitetinin əsası 2010-cu ildə qoyulub. Universitetdə 15 fakültə, 5 institut, 1 kollec, 4 peşə məktəbi, 27 tədqiqat mərkəzi, 1 konservatoriya fəaliyyət göstərir və 25 minə yaxın tələbə təhsil alır.