U-21-in sonuncu pillədən qurtulmayacağı Ballimenada rəsmiləşdi! - REPORTAJ

U-21-lər arasında AÇ-2025-in seçmə mərhələsi
F qrupu
Şimali İrlandiya – Azərbaycan 5:0 (1:0)
1. Stefen Makmullan
3. Şon Stüart
4. Aaron Donnelli
21. Ruayri Makkonvill
(18. Darren Robinson, 79)
2. Karl Conston (k)
(20. Şea Kearnei, 79)
6. Castin Devenni
14. Timmi Foqarti
10. Cey-Cey Makyernan
8. Patrik Kelli
(11. Terri Devlin, 73)
9. Deyl Teylor
(19. Metyu Lusti, 73)
7. Karlayl Allen
(17. Makenzi Kirk, 73)
Ehtiyat oyunçular
12. Coş Klark
15. Ceymi Makdonnell
16. Dilan Sloan
22. Coşua Briqqs
Baş məşqçi: Tommi Rayt
1. Rüstəm Samiqullin
3. Rüfət Abbasov
4. Cəlal Hüseynov (k)
5. Mahir Həsənov
9. Musa Qurbanlı
(18. Ağadadaş Salyanski, 61)
10. Samir Abdullayev
(7. Xəyal Əliyev, 61)
13. Emil Səfərov
(8. Fərid Yusifli, 70)
14. Rauf Rüstəmli
15. Süleyman Damadayev
16. Qurban Səfərov
(2. Abdulla Rzayev, 46)
17. Murad Vəliyev
(19. Nəriman Axundzadə, 46)
Ehtiyat oyunçular
12. Xəyal Feyzullayev
20. Mirəli Əhmədov
21. Emin Rüstəmov
23. Şahin Şahniyarov
Baş məşqçi: Samir Əliyev

Qollar: K.Allen, 11-p. (1:0). C-C.Makyernan, 56 (2:0). P.Kelli, 64 (3:0). C.Devenni, 68 (4:0). R.Samiqullin, 81-öz qapısına (5:0).
Vərəqələr: C.Hüseynov, 11. E.Səfərov, 67. R.Makkonvill, 71. D.Robinson, 90+2 – sarı.
Hakimlər: HEYNİ ZİSKASON VİDOY, Dan Petur Pauli Höyqaard, Yan Hermansen, Byarki Danielsen (hamısı Farer adaları)
12 oktyabr. Ballimena. “Şoqraunds” stadionu. 440 tamaşaçı.
Birinci hissəyə 2, ikinci hissəyə 4 dəqiqə əlavə olunub.

Əslində səfərdə keçirilən oyunu “CBC Sport” vasitəsilə izləməliydik. Lakin bilinməyən (ona görə ki, telekanalın baş redaktoru Şəmsəddin Abbasov hələ problemin nədən ibarət olduğu haqda sorğumuza cavab verməyib – red.) səbəblərdən matça əcnəbi yayınçılar sayəsində nəzər saldıq. İndi detallara keçid alaq.

Hər iki komanda meydana eyni məqsədlə çıxdı: sona qədər döyüşüb turnirlə sonuncu pillədə vidalaşmamaq vacib idi. Bu yöndə millimizə inanmağa dəyərdi. Axı rəqib ən güclülər – Ukrayna, İngiltərə yox, Şimali İrlandiya idi. Lakin yığmamız seçmə mərhələdə ən pis oyununu keçirdi və faciəvi məğlubiyyətlə üzləşdi. Samir Əliyevin İngiltərədən 5 qol buraxsa da, təsəlli qoluna imza ata bilən kollektivi bu dəfə başımızı aşağı əydi. Belə olacağı bəlliydimi? Meydan sahiblərinin ilk dəqiqələrdən güzlü təzyiqlə irəli atıldığını nəzərə alsaq, bəli! Lakin fasiləyə qədər yalnız bir qol “yeyən” millimizin ikinci hissədə tar-mar olacağını ağlımıza gətirməmişdik.

Rüstəm hələ 4-cü dəqiqədə Devenninin zərbəsi dəf etdi. Bir qədər sonra Cəlal cərimə meydançasına daxil olan Teyloru kobud müdaxiləylə dayandırdığı üçün penalti təyin olundu. Allenin “çərçivə”ni dəqiq nişan almasıyla hesab açıldı ki, fasiləyə qədər tablodakı rəqəmlər dəyişmədi. Daha doğrusu, Devenni, Kenni və Musa qapıya qeyri-dəqiq zərbələrlə yadda qaldı. İkinci hissə bizimkilərin üstün oyunuyla başlasa da, Makmullan Nərimanın toru silkələmək istəyinə əla seyvlə mane oldu. 56-cı dəqiqədə Makyernan Donnellinin ötürməsini dəyərləndirməklə fərqi artırdı. Belədə Samir Əliyev Xəyalla Ağadadaşı meydana buraxmaqla hücum xəttini gücləndirmək istədi. Hər halda, plan özünü doğrultmadı. Əksinə, Devenninin qeyri-dəqiq zərbəsindən sonra yenidən irəli atılan meydan sahibləri 64-cü dəqiqədə Makyernanın ötürməsi, Kellinin qolu sayəsində sevindi. İrlandlar 68-ci dəqiqədə Emilin kobudluğu üzündən cərimə zərbəsi qazandı. Rəqib Devenninin birbaşa “çərçivə”ni nişan almasıyla bizimkiləri növbət dəfə meydanın mərkəzinə dəvət etdi. Ardınca Rüstəm Allenin fərqlənmək cəhdinə imkan vermədi. 81-ci dəqiqədə isə fiasko yaşandı. Belə ki, Samiqullin Makyernanın qapı önünə ötürməsini gülünc müdaxiləylə qapımıza daxil etdi. Kirkin fərqlənmək fürsətini boşa verməsinin ardından hakimin final fiti eşidildi ki, yığmamızın biabırçı məğlubiyyəti rəsmiləşdi.

KƏNAN BAHADIR