İsrail ordusunun Livanın cənubundakı bəzi evlərə və tibb mərkəzinə endirdiyi hava zərbələri nəticəsində ilkin məlumata görə, 8 nəfər ölüb.
Livan Səhiyyə Nazirliyinin yaydığı bəyanata görə, İsrail ordusuna aid döyüş təyyarələri Sur şəhərinin Siddikin rayonundakı tibb mərkəzini hədəf alıb. Hücum nəticəsində 1 nəfər ölüb, 1 nəfər yaralanıb.
İsrail ordusunun ölkənin cənubundakı Ənsar qəsəbəsindəki bir evə təşkil etdiyi hücumda 2 nəfər həyatını itirib.
İsrailin Mifidun qəsəbəsinə təşkil etdiyi hücumda 5 nəfər ölüb, 1 nəfər yaralanıb.
İsrail ordusunun Livanın cənubundakı Nəbatiyyə vilayətinin Sarbin rayonuna təşkil etdiyi hava hücumunda 4 tibb işçisi və mülki vətəndaşlar yaralanıb.
Ölkənin cənubundakı Marub qəsəbəsinə edilən hücumda 4 nəfər yaralanıb. Onlardan 2-nin vəziyyəti ağır olaraq qiymətləndirilir.