Tütün məmulatlarının satışına qadağa qoyulması bütün dünyada bir milyondan çox insanın həyatını xilas edə bilər. Bunu Santyaqo de Kompostela Universiteti və Xərçəng Araşdırmaları üzrə Beynəlxalq Agentliyin (IARC) alimləri bildiriblər.
“Cebheinfo.az” xəbər verir ki, onların araşdırmasının nəticələri “The Lancet Public Health” jurnalında dərc olunub.
Alimlərin araşdırmasına görə, 2006-cı il yanvarın 1-dən 2010-cu il dekabrın 31-dək anadan olan şəxslərə tütün satışı qadağan edilib. Onlar 185 ölkədən olan insanların kohortunda tütündən azad nəslin ağciyər xərçəngindən ölüm hallarına təsirini qiymətləndiriblər.
Qlobal miqyasda tütündən azad nəslin həyata keçirilməsi 1 yanvar 2006-cı il və 31 dekabr 2010-cu il tarixləri arasında doğulmuş insanlar arasında ağciyər xərçəngindən 1,1 milyondan çox ölümün (40,2%) qarşısını ala bilər.
Ağciyər xərçəngi dünyada ən çox diaqnoz qoyulan ikinci xərçəng və xərçəngdən ölümlərin əsas səbəbidir və hər il təxminən 1,8 milyon insanı öldürür. Bu xəstəliyin inkişafı üçün ən vacib risk faktoru tütün çəkməkdir.
