Prezident İlham Əliyev və birinci xanım Mehriban Əliyevanın oktyabrın 3-də açılışında iştirak etdiyi Cəbrayıl şəhər Mehdi Mehdizadə adına məktəbdə bu ilin sonuna qədər 400 şagirdin təhsilə cəlb edilməsi planlaşdırılır.
Bizim.Media Report-a istinadən xəbər verir ki, bunu Elm və Təhsil Nazirliyinin Şərqi Zəngəzur Regional Təhsil İdarəsinin müdiri Fuad Bədəlov deyib.
Onun sözlərinə görə, Vətən müharibəsindən sonra Prezident İlham Əliyevin rəhbərliyi ilə Qarabağ və Şərqi Zəngəzur iqtisadi rayonlarında quruculuq və bərpa işlərinə başlanılıb:
“Böyük Qayıdışın ilk addımları Şərqi Zəngəzur iqtisadi rayonuna daxil olan Zəngilan rayonunun Ağalı kəndindən başlayıb. 2022-ci ilin sentyabr ayında Ağalı kənd orta məktəbi işğaldan azad edilmiş ərazilərdə ilk təhsil müəssisəsi kimi fəaliyyətə başlayıb və eyni adlı körpələr evi-uşaq bağçası soydaşlarımızın ixtiyarına verilib. Növbəti dəfə 2023-cü ildə Laçın şəhərində 2 nömrəli tam orta məktəb və həmin ildə Zabux kənd orta məktəbi və uçaq bağçası istifadəyə verilib”.
O qeyd edib ki, bu il sentyabr ayında Laçının Sus kəndində orta məktəb və uçaq bağçası bizim el-obanın əzəli sakinlərinin istifadəsinə verilib:
“Sevindirici haldır ki, işğaldan azad edilmiş torpaqlarda fəaliyyət göstərən təhsil müəssisələrinin sırasına 2 gün əvvəl Prezident İlham Əliyevin və birinci xanım Mehriban Əliyevanın iştirakı ilə açılışı olmuş Mehi Mehdizadə adına Cəbrayıl şəhər tam orta məktəbi də qatılır. Təhsil müəssisəsi 2,7 hektar ərazidə, 960 şagird yerlik olmaqla 40 sinif otağından və müxtəlif 5 inzibati otaqdan ibarətdir. Həmçinin məktəbdə kimya, fizika laboratoriyaları, biologiya kabineti, eləcə də musiqi, rəsm və hərbi hazırlıq otaqları və bununla yanaşı 4 STEAM otağı da təşkil edilib. Bizim məktəbdə 450 nəfərlik akt zalı, böyük idman zalı, 120 şagird yerlik yeməkxana, eləcə də məktəbin həyətyanı ərazisində futbol, basketbol və voleybol idman növlərinin keçirilməsi üçün meydançalar təşkil edilərək şagirdlərin istifadəsinə verilib. Təhsil müəssisəsində müasir standartlara cavab verən mebel, inventar və avadanlıqlarla təşkil edilib və müəllim və şagirdlərin istifadəsinə verilib".
F. Bədəlov diqqətə çatdırıb ki, hazırda müəssisədə pedaqoji heyətin formalaşdırılması prosesi yekunlaşıb:
“Sevindirici haldır ki, bütün müəllimlərimiz Cəbrayıl şəhərinə köçürülən və vaxtilə bu rayonun müxtəlif məktəblərində fəaliyyət göstərən müəllimlərdən təşkil edilib. Məktəb müxtəlif fənlər üzrə ixtisaslı kadrlarla artıq təmin edilib. İlkin mərhələdə məktəbdə 26 sentyabr tarixindən hazırkı dövrə qədər “Böyük Qayıdış dövlət proqramı”na uyğun olaraq köçürülən ailələr içindən 122 şagirdin təhsilə cəlb olunması nəzərdə tutulub və ilin sonuna qədər isə şagirdlərin sayının 400-ə çatdırılması nəzərdə tutulur. Təhsil prosesi 8 oktyabr tarixindən başlayacaq”.
Bizim.Media
- Ночной Режим
- Домашняя страница
- Статистика
- Источники
- Рейтинг
- Погода
- Валюта
