Ən yüksək həyat keyfiyyətinə malik 10 ölkə açıqlanıb.
Viral.az xəbər verir ki, ümumilikdə 89 ölkənin qiymətləndirildiyi bu araşdırma 2 mart – 23 may 2024-cü il tarixləri arasında təxminən 17 000 iştirakçı ilə aparılıb.
CNBC-nin məlumatına görə, reytinq münasib qiymətlər, əmək bazarı, iqtisadi və siyasi sabitlik, təhlükəsizlik, səhiyyə və təhsil kimi müxtəlif meyarlar üzrə ölkələrin performansına görə müəyyən edilib.
Son Yazılar:
Ən yüksək həyat keyfiyyətinə malik 10 ölkəni təqdim edirik:
10. Yeni Zelandiya: Yaşıl təbiəti, təhlükəsizliyi və ailəyönümlülüyü ilə diqqət çəkən Yeni Zelandiya güvənli və qabaqcıl təhsil sistemi ilə seçilir. Əlverişli səhiyyə və ədalətli gəlir bölgüsü Yeni Zelandiyanın güclü tərəfləridir.
9. Niderland: Kanalları ilə məşhur olan bu ölkə ictimai nəqliyyat sistemləri və siyasi sabitliyi ilə diqqət çəkir. Niderland həm də qabaqcıl ictimai səhiyyə xidmətləri və təhsil imkanları ilə seçilir.
8. Avstraliya: Çimərlikləri və təbii gözəllikləri ilə məşhur olan Avstraliya gəlir bərabərliyi və balanslaşdırılmış yaşayış dəyəri ilə öndədir. Təhsil sistemi, iş imkanları və yüksək həyat standartları Avstraliyanı cəlbedici edən amillərdir.
7. Almaniya: Sənaye və texnologiya nəhəngi Almaniya güclü iqtisadiyyatı və iş bazarı ilə həyat keyfiyyətinə görə yüksək yer tutur. Almaniyada səhiyyə xidmətləri və təhsil imkanları kifayət qədər inkişaf edib.
6. Finlandiya: Dünyanın ən xoşbəxt ölkəsi kimi tanınan Finlandiya sosial rifah sistemi və bərabərliyi mərkəzə alan quruluşu ilə diqqət çəkir. Finlandiyanın keyfiyyətli təhsil sistemi və iş-həyat balansı yaşam keyfiyyətini artıran amillərdəndir.
5. Kanada: Kanada geniş təbii əraziləri, inkişaf etmiş səhiyyə sistemi və təhlükəsiz yaşayış şəraiti ilə tanınır. Təhsil imkanları və siyasi sabitlik Kanadanı cəlbedici edir.
4. Norveç: Təbii ehtiyatlarla zəngin olan Norveç iqtisadi sabitliyi və gəlir bərabərliyi ilə diqqət çəkir. Səhiyyə və ətraf mühitin mühafizəsi siyasəti Norveçi həyat keyfiyyəti baxımından birinci yerə qoyur.
3. İsveçrə: İsveçrə inkişaf etmiş iqtisadiyyatı və aşağı cinayət nisbəti ilə təhlükəsiz ölkə kimi tanınır. Bundan əlavə, bank-maliyyə sektorundakı uğurları da ölkənin iqtisadi sabitliyinə xidmət edir.
2. İsveç: İsveç gəlir bölgüsü və sosial təminat sistemində ədaləti ilə tanınır. Ölkə inkişaf etmiş dövlət xidmətləri və yüksək təhsil standartları ilə seçilir.
1. Danimarka: Danimarka 2024-cü ildə əlverişli yaşayış xərcləri və qabaqcıl sosial xidmətləri ilə birinci yerdədir. Danimarkanın təhsil və səhiyyə sahələrində əldə etdiyi uğurlar həyat keyfiyyətini yüksəldən əsas amillərdir (modern.az).
