Xaçmazda zəncirvari yol-nəqliyyat hadisəsi baş verib.
Avtosfer.az-ın məlumatına görə, qəza bir neçə gün öncə axşam saatlarında qeydə alınıb. Belə ki, hərəkətdə olan “KIA” markalı avtomobil, yol kənarında dayanmış “VAZ-2106”, “VAZ-2106”, “VAZ-2109”, “VAZ-21011” markalı maşınlarla toqquşub. Şahidlərin iddiasına əsasən, qəzaya səbəb yüksək sürət həddi olub. Nəticədə sükanı buraxan “KIA” sürücüsü “VAZ-2106” markalı maşına çırpılıb. Zərbənin təsirindən səkiyə çıxan “VAZ” digər nəqliyyat vasitələrinə dəyib. Qəza zamanı xəsarət alan olmasa da, avtomobillər yararsız vəziyyətə düşüb.
Qeyd edək ki, hadisə yerinə polis əməkdaşları cəlb olunub. Faktla bağlı araşdırma davam edir.
Nərmin
