"Rusiya Ukraynada İran istehsalı olan "Shahed" dronlarından başqa, bəziləri birbaşa Çindən tədarük edilən üç digər tip dronlardan istifadə edir..."
Rusiya hücumlar üçün "Shahed"lərdən başqa ən azı üç digər tip dronlardan istifadə edir, onlardan bəziləri birbaşa Çindən tədarük edilir.
Moderator.az xəbər verir ki, bu barədə "Forbes" nəşri yazıb.
Rusiyanın Ukraynaya dronlardan istifadə etməklə hücumları yeni vüsət alıb. Sentyabr ayında Rusiya 1300-dən artıq uzaqvuran "Shahed" PUA-ları buraxıb ki, bu da istənilən əvvəlki aya nisbətən xeyli çoxdur.
Nəşrin analitiki Devid Qemblinq yazır ki, belə PUA-ların daima böyük miqdarda olması onu göstərir ki, Ukraynada qarşıdakı qış ən ağır olacaq.
Bu zaman o, yazır ki, İranda istehsal edilən "Shahed" dronlarından başqa, Rusiya hər halda bəzilərinin birbaşa Çindən tədarük edilən üç digər tip dronlardan istifadə edir.
"Shahed-136" hücumlar üçün əsas drondur
Hücumun əsasını Rusiyada "Geran-2" kimi tanınan İran istehsalı olan "Shahed-136" zərbə dronudur, qanadlarının arasındakı məsafə yeddi futdur, 100 funt çəkisində döyüş başlığına malikdir, uçuş məsafəsi 600 mildən çoxdur. "Shahed" ənənəvi qanadlı raketlərdən daha astadır, daha az gücə malikdir və onu vurmaq daha asandır, lakin daha ucuzdur və böyük miqyasda istehsal edilə bilər.
Bu zaman Rusiya daima baza "Shahed"lərini modifikasiya edir. Yeni versiyalar ən azı üç tip döyüş başlığına malikdir, bəziləri 4G modemi ilə təchiz edilib və Ukraynanın mobil şəbəkəsi vasitəsilə qarşılıqlı əlaqədədir. Lap bu yaxınlarda "Shahed"in "Starlink"-lə əlaqəsi üzə çıxıb. Onları bu yaxınlarda gecələr az görünməsi üçün qara boyalarla boyayırlar.
"The Wall Street Journal" nəşrinin dəyərləndirməsinə görə, Rusiya ay ərzində 500 "Shahed" istehsal etmək niyyətindədir. Lakin hazırda buraxılan dronların miqdarı onu göstərir ki, başqa tip dronlardan da istifadə edilir.
"Italmas" dronları
Bu, "Aerosocan" şirkətinin istehsalı olan bir neçə tip dronlardır. "54 məmulat" uçuş məsafəsi 200 km-dən çox olan barrajedici döyüş sursatıdır. "Produkt 52" və "Produkt 53" "Lanset" taktiki kamikadze-dronunun iki versiyasıdır, "Produkt 55" "maneəyə davamlı" FPV-kamikadzedir.
2023-cü ilin sonunda Rusiya KİV-ləri yeni dronların tətbiq edilməsi barədə məlumat yayıb, hərçənd, bu, təsdiqini tapmayıb.
"Gerbera" "Shahed"in kiçik bacısıdır
Rusiyanın daha bir dronunun təsviri sosial şəbəkələrdə iyul ayında üzə çıxıb. O da "Shahed"dən daha kiçikdir və başqa konfiqurasiyaya malikdir. Rusiyalıların məlumatına görə, yeni dron "Gerbera'' adlanır və kamikadze hücumlarına əlavə olaraq kəşfiyyat və ya yayındırıcı missiyaları icra edə bilər. "Gerbera"nın Kiyev yaxınlığında vurulduğunu nəzərə alaraq, bu dron ən azı bir neçə kilometr uça bilər. Ukrayna mənbələri güman edir ki, "Gerbera"nın əsas rolu yayındırıcı manevr etməkdir.
"Garpiya-3" Çin istehsalıdır
Ən həyəcanlı yeni dron "Garpiya-3"-dür, analitik qeyd edir. "Reuters" agentliyinin məlumatına görə, "Garpiya-3" Rusiyanın "Almaz-Antey" törəmə dövlət silah şirkəti tərəfindən istehsal edilib, uçuş məsafəsi 2000 km və döyüş başlığının çəkisi 50 kq-dır. "Garpiya-3"-də təkcə Çin komponentləri istifadə edilməyib, bu dron Çin zavodunda istehsal ediləcək.
"Əgər Çin həqiqətən özünün dronlar sənayesi gücündən Rusiyaya strateji silah tədarükü üçün istifadə edirsə, o zaman dronların sayı yalnız Rusiyanın onlara görə ödəniş etmək qabiliyyəti ilə məhdudlaşdırılacaq", - Qemblinq qeyd edir.
Qış yaxındadır
Ukrayna ay ərzində 400-600 "Shahed" dronlarını uğurla dəf edə bilir, lakin sayca iki və ya üç dəfə çox olan dronları ehtiyatı azalan "Yer-hava" sinfindən olan raketlərlə vurmaq daha mürəkkəb vəzifə olacaq.
Bundan başqa, analitik qeyd edir ki, ukraynalı müdafiəçiələrin səylərinin gerçək təhlükəyə yönəldilməsi üçün daha kiçik "Gerbera" və "Italmas" dronlarını müəyyən etmək qabiliyyəti çox vacibdir. Əgər Rusiyanın kəşfiyyat dronlarına qarşı effektli olan FPV dronları "Shahed"lərə qarşı effektiv olacaqsa, onlar oyun qaydalarını dəyişəcək.
