Ruandada Marburq virusunun ilk halları təsdiqləndikdən sonra dünyanı potensial olaraq epidemiyanın yayılma təhlükəsi gözləyir.
Axar.az-ın Trend-ə istindən məlumatına görə, Ümumdünya Səhiyyə Təşkilatı (ÜST) bu barədə xəbərdarlıq edib. Ebola virusu ilə eyni ailəyə aid olan Marburq virusu, insanlarda ağır hemorragik qızdırmaya səbəb ola bilər.
Hal-hazırda 27-dən çox yoluxma və doqquz ölüm hadisəsi qeydə alınıb. ÜST bu epidemiyanın riskini milli səviyyədə çox yüksək, regional səviyyədə yüksək, qlobal səviyyədə isə aşağı kimi qiymətləndirir.
Hazırkı məlumata görə, yoluxmaların əksəriyyəti Ruandanın paytaxtı Kiqalidəki iki səhiyyə müəssisəsinin tibb işçiləri arasında qeydə alınıb. Marburq virusu infeksiyası halların 88%-ində ölümcül nəticələnir.
