Şimali Atlantika Alyansı (NATO) ölkələri Çin haqqında yanlış təsəvvürlərini düzəltməli və Asiya-Sakit Okean regionu (APR) ölkələrinin işlərinə qarışmaq cəhdlərini dayandırmalıdır.
Bu barədə Çin Xalq Respublikasının Avropa İttifaqı (Aİ) yanındakı diplomatik nümayəndəliyi məlumat yayıb.
“ Çin NATO-nu soyuq müharibə zehniyyətindən əl çəkməyə, Çin haqqında yanlış təsəvvürlərini düzəltməyə, Asiya-Sakit okean regionunun işlərinə qarışmağı dayandırmağa və əksinə deyil, dünya sülhü və sabitliyinə töhfə verən daha çox işlər görməyə çağırır”,- diplomatik missiyanın bəyanatında deyilir.
Qeyd edək ki, mətbuat xidmətinin müvafiq şərhi NATO-nun yeni baş katibi Mark Ruttenin blokun Hind-Sakit okean regionundakı tərəfdaşları ilə əlaqələri gücləndirməli olduğu barədə bəyanatına cavab olaraq verilib.
Diplomatik nümayəndəlik həmçinin qeyd edib ki, NATO ölkələrinin Ukraynadakı böhrana görə məsuliyyəti Çinə atması mövcud münaqişənin həllinə kömək etməyəcək.
