Türk kinosu və musiqisinin əfsanəvi adı Emel Sayın həyatını böyük ekranlara gətirəcək film layihəsindən ilk dəfə danışıb.
Hafta.az-ın yazdığına görə, pərəstişkarlarının səbirsizliklə gözlədiyi Emel Sayın sənədli filmi ilə yanaşı, sənətçinin həyatından bəhs edən bədii film də gündəmdədir. Sayın onu canlandırmaq istədiyi adın istedadlı yenicə ana olan Burcu Biricik olduğunu açıqlayıb.
Yeşilçamın unudulmaz ulduzu Emel Sayın sənət həyatı boyu saysız-hesabsız filmləri və musiqi albomları ilə milyonların könlünü fəth edib. İndi canlı əfsanənin öz həyat hekayəsini böyük ekrana gətirməyin vaxtıdır. Emel Sayın yaxın zamanda pərəstişkarları ilə görüşəcək sənədli layihə ilə yanaşı, həyatından bəhs edən bədii film üçün də hazırlıqlara başladığını açıqlayıb.
Film layihəsi ilə bağlı həyəcanını gizlətməyən Emel Sayın jurnalistlərə açıqlamasında "Əslində belə bir iş gördük. Son toxunuşlar üzərində iş gedir. Tezliklə bir sənədli filmi xalqımıza təqdim edəcəyik" deyib.
Emel Sayını canlandırmaq üçün sosial mediada Serenay Sarıkaya kimi adlar da danışılarkən, Sayın ağlından keçən aktrisanın Burcu Biricik olduğunu bildirib. "Bir neçə gənc sənətçimiz var. Çox şirindirlər, hərdən özüm də düşünürəm. Yadıma Burcu Biricik gəlir" deyən Sayın Biricikin aktyorluğunu çox bəyəndiyini və özünü yaxşı canlandıra biləcəyinə inandığını bildirib.
Emel Sayının həyatından bəhs edən filmin nə vaxt çəkilib ekranlara çıxacağı hələ dəqiq olmasa da, həm sənədli film, həm də bədii film layihəsi Yeşilçam sevərlər və Emel Sayını sevənlər tərəfindən böyük həyəcanla gözlənilir. Burcu Biricikin Emel Sayının yeniyetməlik illərini necə canlandıracağı və layihənin hansı detalları özündə əks etdirəcəyi artıq maraq doğurur.
