Üç dəfə Oskar mükafatı almış aktyor Daniel Day-Lyuis uzun illərdən sonra filmə çəkilməyə hazırlaşır.
Kulis.az xəbər verir ki, 7 il əvvəl təqaüdə çıxdığını və daha heç bir layihədə yer almayacağını açıqlayan aktyor oğlunun yeni layihəsi üçün çəkiliş meydançalarına qayıdır.
Aktyor oğlu Ronan Dey-Lyuisin debüt filmi "Əsmə" filmində baş rolda çəkiləcək .
Filmin ssenarisini Daniel Day-Lyuis və Ronan Day-Lyuis birgə yazıb.
Filmdə atalar, oğullar və qardaşlar arasındakı mürəkkəb münasibətlər, eləcə də ailə əlaqələrinin dinamikası ətraflı şəkildə araşdırılacaq.
Aktyoru filmdə Şon Bin, Samanta Morton, Samuel Bottomli və Safia Oakli-Qrin kimi sənətçilər müşayiət edib.
Qeyd edək ki, Lyuis 2017-ci ildə təqaüdə çıxdığını elan etsə də, niyə bu qərarı verdiyi ilə bağlı açıqlama verməyib.
Ülvi Bahadır
