İranın İsrailə raket hücumundan sonra İsrailin qonşuları hava məkanını bağladıqları üçün aviaşirkətlər uçuşları alternativ marşrutlara yönləndirməkdə çətinlik çəkirlər."FlightRadar24" uçuş izləmə xidmətinin sözçüsü bildirib ki, aviaşirkətlər uçuşları mümkün olan yerə yönləndirir, təyyarələrin çoxu Qahirə və İstanbula gedir."FlightRadar24" İstanbul və Antalya hava limanlarında tıxacın başladığını və bəzi aviaşirkətlərin uçuşlarını cənuba yönləndirmək məcburiyyətində qaldığını açıqlayıb."FlightRadar24"ün məlumatlarına görə, Emirates", "British Airways ICAG.L", "Lufthansa LHAG.DE", "Qatar Airways" tərəfindən həyata keçirilən 80-ə yaxın reys Dubay, Doha və Əbu-Dabi kimi Yaxın Şərqin əsas mərkəzlərinə getmək əvəzinə Qahirəyə və müxtəlif Avropa şəhərlərinə yönləndirilib.Bir çox aviaşirkətlər də bölgəyə uçuşları və ya münaqişədən təsirlənə biləcək hava məkanından istifadə etməyi dayandırıb.Avropanın hava trafikinə nəzarət agentliyi "Eurocontrol" dünən pilotlar üçün dərc etdiyi xəbərdarlıq bülletenində, "Bir neçə dəqiqə əvvəl İsrailə qarşı geniş miqyaslı raket hücumu edildi. Hazırda bütün ölkə raket xəbərdarlığı altındadır" qeyd edib. Qısa müddət sonra "Eurocontrol" İordaniya və İraq hava məkanının, eləcə də Kiprin nəzarətində olan əsas hava keçid məntəqəsinin bağlandığını elan edib.Xəbərdarlıqdan qısa müddət sonra İraqda Bağdad hökumətinin nəzarəti altında olan hava məkanının təhlükəsizlik səbəbi ilə növbəti xəbərdarlığa qədər bağlandığı bildirilib. Bir müddət sonra hava məkanı mülki uçuşlar üçün yenidən açılıb.İordaniya dövlət xəbər agentliyi İrandan İsrailə doğru atılan raketlərdən sonra hava məkanını bağlayan İordaniyanın hava məkanını yenidən açdığını bildirib.Mənbə: REUTERS
