İsrail ordusu Livanın paytaxtı Beyruta endirdiyi hava hücumunda İrandan "Hizbullah"a silah daşıyan bölmənin komandiri Məhəmməd Cəfər Kasiri öldürdüyünü iddia edib.
Ölkə.Az xəbər verir ki, bu barədə İsrail ordusunun X (tvitter) şəbəkəsində yaydığı məlumatda deyilir.
Açıqlamada Kasirinin İran-"Hizbullah"-Suriya arasında çox fəal əlaqələndirici rola malik "Hizbullah"ın ən görkəmli liderlərindən və İrana yaxın bir şəxs olduğu qeyd olunub.
Məlumatda həmçinin qeyd edilir ki, Kasiri "Hizbullah"a strateji döyüş materiallarının ötürülməsində yüzlərlə əməliyyatı idarə edib. O eyni zamanda "Hizbullah"ın dəqiq raket layihəsinin və İsraildəki hədəflərə hücum imkanlarının inkişaf etdirilməsinin idarə edilməsində rolu olan şəxsdir.
"Hizbullah" hələlik məsələ ilə bağlı açıqlama verməyib.
Mürtəza
Ölkə.Az
