İsrail İranın raket hücumuna cavab olaraq yaxın günlərdə İslam Respublikası ərazisindəki neft və digər strateji obyektlərə hücum edə bilər...
Poliqon xəbər verir ki, bu barədə Amerikanın “Axios” portalı yəhudi dövlətinin rəsmilərinə istinadən məlumat yayıb.
“Rəsmilər deyirlər ki, İsrail İranın raket hücumu ilə əlaqədar bir neçə gün ərzində əhəmiyyətli cavab zərbəsi endirəcək. Zərbələrin hədəfləri neft hasilatı obyektləri və digər strateji obyektlər ola bilər”, deyə portal yazır.
Mənbələrin bildirdiyinə görə, yəhudi dövlətinin hakimiyyəti Tehranın hərəkətlərinə mümkün cavab üçün bütün variantları nəzərdən keçirmək niyyətindədir. İranın nüvə obyektlərinə hücumlar istisna oluna bilməz.
Mənbələr həmçinin qeyd ediblər ki, İsrail İslam Respublikasının hava hücumundan müdafiə sistemlərini məhv etməyə və ayrı-ayrı şəxsləri məhv etməyə cəhd edə bilər. Lakin yəhudi dövlətində bu məsələ ilə bağlı konkret qərarlar hələ qəbul edilməyib, çünki ölkə rəhbərliyi ABŞ-la gələcək addımları müzakirə etmək istəyir.
Amerika rəsmisi jurnalistlərə bildirib ki, Vaşinqton Tehranın hücumuna İsrailin cavabını dəstəkləməyə hazırdır. Buna baxmayaraq, Birləşmiş Ştatlar İsrailə aydın şəkildə bildirib ki, müvafiq tədbirlər balanslaşdırılmalıdır.
Poliqon.info
