İran İsrailə 180-dən çox raket atıb.
APA xəbər verir ki, bu barədə İsrail Müdafiə Qüvvələrinin sözçüsü Daniel Haqari bildirib.
“İran birbaşa İsrail dövlətinə genişmiqyaslı 180-dən çox ballistik raket atıb”, - məlumatda deyilir.
İsrail ordusunun məlumatına görə, raketlərin əksəriyyəti İsrail və ABŞ-ın rəhbərlik etdiyi müttəfiqlər tərəfindən məhv edilib.
Bəyanatda İsrail Müdafiə Qüvvələrinin ölkəni və xalqı qorumaq üçün lazım olan hər şeyi etməyə davam edəcəyi vurğulanıb.
