Sığorta bazarının aparıcı şirkətlərindən olan Xalq Sığorta ASC bu dəfə “Prokurorluq İşçilərinin Peşə Bayramı” ilə əlaqədar olaraq onlara özəl “Partnyor Kasko” sığorta paketini təklif edir.
FED.az xəbər verir ki, partnyor Kasko sığorta paketini 2% tarif dərəcəsi ilə, aylıq 15 AZN-dən başlayaraq birdəfəlik və ya 12 aya qədər hissəli şəkildə əldə etmək mümkündür.
Kampaniyadan yararlanmaq və məhsulu əldə etmək üçün 7/24 xidmət göstərən 183 Çağrı Mərkəzimizlə əlaqə yaratmağınız və ya sosial şəbəkə hesabları vasitəsilə bizə müraciət etməyiniz kifayətdir.
Qeyd: Kampaniyanın müddəti 1 aydır.
Xatırladaq ki, 2005-ci ildən fəaliyyətə başlayan Xalq Sığorta ASC 58 750 500 manat həcmində nizamnamə kapitalına malikdir. Şirkətin yenilikçi siyasəti və müştərilər qarşısındakı öhdəliklərini davamlı formada yerinə yetirməsi sığorta bazarında ona yüksək imic və güvən qazandırmışdır.
Hazırda fəaliyyətini uğurla davam etdirən “Xalq Sığorta” ASC Azərbaycan Respublikası Maliyyə Nazirliyinin müvafiq lisenziyası əsasında müştərilərə 20-dən çox könüllü və 3 icbari sığorta növünü təklif edir.
