1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiya qüvvələri oktyabrın 1-də səhər saatlarında Ukraynanın Xerson şəhərində ictimai nəqliyyat dayanacağına və bazarlardan birinə artilleriya zərbəsi endiriblər.
Oxu.Az-ın verdiyi məlumata görə, bu barədə Xerson Vilayət Hərbi Administrasiyasının sədri Aleksandr Prokudin özünün "Telegram" kanalında xəbər verib.
"İşğalçılar Xersonun mərkəzindəki bazara hücum ediblər. Səhər xersonluların məhsul aldığı və ya satdığı ticarət nöqtələri zərbə altında qaldı", - deyə o bildirib.
Daha sonra prokurorluq bildirdi ki, Xersonun mərkəzinə lüləli artilleriyadan zərbə endirilib. Hücum nəticəsində üç qadın və dörd kişi olmaqla yeddi nəfər həlak olub. Həmçinin üç şəhər sakini yaralanıb, onlara tibbi yardım göstərilir.
