Çinin Fudan Universitetinin Mamalıq və Ginekologiya Mərkəzinin alimləri maraqlı araşdırma aparıblar. Elm adamları müəyyən ediblər ki, 40 yaşdan yuxarı və 20 yaşdan kiçik atalarda Daun sindromlu uşağının olması riski artır.
Araşdırmanın nəticələri JAMA Pediatrics jurnalında dərc olunub.
Tədqiqatçılar 2012-ci ildən bəri ən çox rast gəlinən dölün xromosom anomaliyalarının riskini qiymətləndirmək üçün testlərin pulsuz olduğu Şençjen şəhərində Daun sindromunun prenatal və postnatal diaqnozu ilə bağlı məlumat toplayıblar. Ümumilikdə, elm adamları iki milyondan çox doğuşu təhlil ediblər və Daun sindromu ilə doğulan 2480 uşağı araşdırıblar.
Alimlər müəyyən ediblər ki, 40 yaşdan yuxarı və ya 20 yaşdan kiçik ataların Daun sindromlu uşaq dünyaya gətirmə ehtimalı xüsusilə yüksəkdir. Tədqiqatçılar qeyd ediblər ki, bu kəşfin təsdiqi üçün daha çox araşdırmaya ehtiyac var.
Tural
