"Ukrayna müdafiəçiləri paytaxta təhlükə törədən düşmən dronlarının hamısını məhv edib..."
Rusiyalı işğalçılar sentyabr ayında artıq dördüncü dəfədir ki, Kiyevə havadan hücum edir. İlkin məlumata görə, sentyabrın 30-a keçən gecə düşmən "Shahed" tipli dronlardan istifadə edib.
Moderator.az xəbər verir ki, bu barədə "tvnet.lv" nəşri məlumat yayıb.
Bu gecə düşmən dronlarından müxtəlif istiqamətlərdən hücum həyata keçirilib, bu barədə Kiyev şəhər hərbi administrasiyası məlumat verib.
"Paytaxtda beş saatdan artıq hava həyəcanı siqnalı davam edib. Hava hücumundan müdafiə qüvvə və vasitələrilə Kiyevə təhlükə törədən Rusiya dronlarının hamısı zərərsizləşdirilib.
İlkin məlumatlara görə, dronlar hücumu nəticəsində Ukrayna paytaxtında dağıntılar və zərərçəkən olmayıb. Kiyevdə hava həyəcanı sentyabrın 30-da saat 01:06-da verilib, saat 06:09-da kəsilib.
Kiyevlə bağlı vacib xəbərlər - bəlli olanlar
Rusiyalı qəsbkarlar Kiyev şəhərinə artıq dəfələrlə həm dron, həm də raket zərbələri endirib. Düşmənin havadan hücumu nəticəsində çoxsaylı dağıntılar, zərərçəkənlər və qurbanlar olub.
Sentyabrın 30-da düşmən yenidən Kiyevə dronlarla hücum edib, paytaxtda güclü partlayışlar eşidilib.
Səhər saat 5-də mer Vitali Kliçko məlumat verib ki, şəhər üzərindəki səmada və onun yaxınlığında düşmən dronları görünüb. O, əlavə edib ki, Kiyevin Obolon rayonunda hava hücumundan müdafiə qüvvələri fəaliyyət göstərib.
