Xarici işlər naziri Ceyhun Bayramov BMT Baş Assambleyasının 79-cu sessiyası çərçivəsində Səudiyyə Ərəbistanı Xarici İşlər naziri Faisal bin Farhan Al Saud ilə görüşüb.
“Qafqazinfo” xəbər verir ki, bu Azərbaycan XİN məlumat yayıb.
Bildirilib ki, görüş əsnasında tərəflər arasında qarşılıqlı yüksək səviyyəli səfərlərin əməkdaşlığın genişləndirilməsində və dərinləşməsində mühüm rolu, o cümlədən iqtisadiyyat, ticarət, investisiya, humanitar və turizm sahələrində mövcud inkişaf imkanları müzakirə edilib.
Söhbət zamanı COP29, münaqişədən sonrakı vəziyyət, eləcə də Azərbaycan-Ermənistan arasında normallaşma prosesi diqqət mərkəzində olub.
***
Daha sonra nazirlər tərəfindən “Azərbaycan Respublikası hökuməti və Səudiyyə Ərəbistanı Krallığı hökuməti arasında qısa müddətli səfər edən diplomatik və xüsusi və xidməti pasportlara malik olan şəxslərin qarşılıqlı giriş vizasından azad edilməsi haqqında" Anlaşma Memorandumu imzalanıb.
