Çexiyada dünyanın ən böyük hokkey meydançası inşa ediləcək

Çexiyada dünyanın ən böyük hokkey meydançası inşa ediləcək. Sport24.az xəbər verir ki, "Pardubitse" hokkey klubunun sahibi Petr Dedek 22 296 azarkeş tutumuna malik arena inşa etdirəcək.
 
İdman obyektinin ümumi investisiya həcmi 10,5 milyard kron (417 milyon avro) təşkil edəcək.
 
Kompleksdə əsas arena ilə yanaşı, kiçik zal, otel və qaraj da olacaq. Yeni meydançanın 2027-ci ilin yayına qədər hazır olacağı gözlənilir. Hər il orada 100-ə yaxın tədbir keçiriləcək.