Taroloq, ekstrasens İnara Qriqoryan “Hraparak” a müsahibəsində Ermənistanın və baş nazir Nikol Paşinyanın gələcəyi ilə bağlı proqnozlarını açıqlayıb.
Tribunainfo.az Hraparak-a istinadən xəbər verir ki, ekstrasensin sözlərinə görə, Ermənistanda 2025-ci ilə qədər irimiqyaslı müharibə əməliyyatları görmür,
lakin 2025-ci ildə böyük müharibə, eləcə də yeni epidemiya görür.
Taroloq yeni epidemiyanı covid-19 ilə müqayisə edir və ölümləri gördüyünü deyir. İnara Qriqoryan Nikol Paşinyanın həyatının təhlükədə olduğunu bildirib.
“Hakimiyyəti kənarlaşdırmaq üçün çöldə mübarizə gedir, burada nə baş verəcəyini dəqiq bilmirəm, amma sentyabrın sonunda, oktyabrda Ermənistan lideri təhlükə qarşısındadır. Ehtiyat etməli olduğu təhlükə, fərqinə vardığından qat-qat böyük təhlükə. Ümumiyyətlə, insan özünü heç bir təhlükə görmədiyi tərəfdən qorumalıdır. Söhbət bundan gedir. Təhlükə onun mövqeyində deyil, həyatındadır”.
