1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Türkiyənin Diyarbəkir vilayətində avqustun 21-də yoxa çıxan və 19 gündən sonra kəndin yaxınlığındakı çay yatağında çuvalın içərisində cəsədi tapılan 8 yaşlı Narin Güranın ölümünün istintaqı davam edir.
Narinin ölüm səbəbi bu gün məlum olub.
Bu barədə Oxu.Az "Haber Global"a istinadən xəbər verir.
Məlumata görə, sümük və toxuma nümunələrinin tədqiqi nəticəsində Narin Güranın boğularaq öldürüldüyü müəyyən edilib.
Narinin yarılması prosesi zamanı hər növ cinayəti ortaya çıxaracaq 91 nümunə götürülüb. Cəsəddə gözlə görünən kəsici-deşici alət və ya güllə yarasının olmadığı qeyd edilib. Daxili qanaxma əlamətlərinin də olmadığı nəzərə çatdırılıb. Məhkəmə tibb ekspertləri uşağın meyitində çürümənin başladığını bildiriblər. Bu səbəbdən dəqiq ölüm vaxtı ilə bağlı açıqlamanı verməkdə çətinlik çəkdiklərini deyiblər.
Həmçinin, sentyabrın 13-də "Cinayət dəlillərini məhv etmək" ittihamı ilə həbs edilən Narinin əmisi Fuat Güranın həyat yoldaşı Hediye Güran da "Qəsdən adam öldürülməsində iştirak" maddəsi ilə həbs edilib. Bununla da istintaq çərçivəsində saxlanılanların sayı isə 12-yə çatıb.
