Göygöl rayonunda xəsarətlə nəticələnən yol-nəqliyyat hadisəsi baş verib.
Bizim.Media-nın yerli bürosunun məlumatına görə, hadisə Bakı-Qazax magistral yolunun rayon ərazisindən keçən hissəsində qeydə alınıb.
Hərəkətdə olan yük avtomobili idarəetmədən çıxaraq dəmir arakəsmələrə çırpılıb.
Qəza nəticəsində maşının sürücüsü 1972-ci il təvəllüdlü Vidadi Məmmədov və sərnişin, 1983-cü il təvəllüdlü Ceyhun Məmmədov müxtəlif bədən xəsarətləri alaraq xəstəxanaya yerləşdiriliblər.
Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
