İsrail Müdafiə Qüvvələrinin Baş Qərargah rəisi Herzi Halevi dekabrda istefaya getməyi planlaşdırır. Bu barədə İsrailin 12-ci telekanalı mənbələrə istinadən məlumat yayıb.
Bu vaxta qədər silahlı qüvvələr 2023-cü il oktyabrın 7-də Fələstinin radikal HƏMAS hərəkatının yaraqlılarının hücumunu mümkün edən hərbi rəhbərliyin buraxdığı səhvlərlə bağlı araşdırmanı başa çatdırmalı idi. Halevinin dekabrın sonunda istefa verməzdən əvvəl daxili yoxlamaların nəticələrini ictimaiyyətə açıqlayacağı gözlənilir. Eyni müddətə qədər İsrail Müdafiə Qüvvələri Livanda potensial hərbi əməliyyata hazırlığı başa çatdırmalıdır.
Bununla yanaşı, kanal qeyd edir ki, Hizbullah hərəkatı ilə münaqişənin şiddətlənəcəyi təqdirdə Halevi vəzifəsində qala bilər.
Oxuməni.az
