VTB (Azərbaycan) Formula Drift Azerbaijan yarışının rəsmi tərəfdaşı kimi çıxış edib. İki günlük çempionat Test and Training Mərkəzində keçirilib. Tədbirdə ölkənin 12 təcrübəli pilotu iştirak edib.
Fins.az xəbər verir ki, yarışı tanınmış və sertifikatlı drift hakimləri, o cümlədən İrakli Şalikashvili, Nodari Kodua və Giqa Kalandia iştirak ediblər. Nəticədə Niyaz Bədiyev birinci yeri, Elvin Xudaverdiyev ikinci yeri, Rəhman Şixəliyev isə üçüncü yeri tutub.
Formula Drift Azerbaijan il ərzində dörd dəfə keçiriləcək və sonda ölkə üzrə drift çempionu müəyyən ediləcək.
"VTB (Azərbaycan) ənənəvi olaraq idman tədbirlərini dəstəkləyir. Bir neçə ildir ki, biz Azərbaycan Basketbol Liqasının rəsmi tərəfdaşıyıq və müxtəlif idman yarışlarını, o cümlədən Red Bull Half Court basketbol oyunlarının, Qobustan trail 2024 və Şahdağ trail 2024 qaçışlarının keçirilməsinə kömək etdik. Azərbaycan drift çempionatı ilə əməkdaşlıq brendimizin təbliği istiqamətində göstərdiyimiz fəaliyyətin məntiqi davamı oldu", - deyə VTB (Azərbaycan)-ın İdarə Heyətinin sədri İqor Okaev şərh edib.
Zemfira Ms
Fins.az
