Fransa hakimiyyəti Telegram-ın həmtəsisçisi Pavel Durova qarşı işdə “gizli kiber qanun”dan istifadə edib, Politico yazır.
Nəşr qeyd edir ki , Durova qarşı iki ittiham məxfiliyi təmin edən və bəyannamə tələb etməyən kriptoqrafik xidmətlərin göstərilməsi ilə bağlıdır.
Qəzet yazır ki, bu iki ittiham Message və WhatsApp daxil olmaqla, şifrələnmiş söhbət funksiyasından istifadə edən digər xidmətlər üçün sürpriz oldu.
Fransa 2004-cü ildə qəbul edilmiş qanuna istinad edir ki, bu qanun kriptoqrafik xidmətlər göstərən təşkilatlardan səlahiyyətliləri xəbərdar etməyi və “kriptoqrafik alətin texniki xüsusiyyətlərini” təqdim etməyi tələb edir.
Nəşrin istinad etdiyi sənaye ekspertlərinin fikrincə, bu qanun heç vaxt cinayət təqibi üçün istifadə olunmayıb.
Proton şirkətinin baş direktoru Endi Yenin sözlərinə görə, bu, “iqtisadi intihardır” və təsisçilərin və investorların təsəvvürünü dəyişir.
Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirmişdi ki, Fransada Durov işi ilə bağlı vəziyyət Qərbdə söz azadlığı ilə bağlı hekayələrə inananlar üçün ayıldıcı nümunə olmalıdır.
Mənbə TASS
