Sentyabrın 4-ü günorta saatlarında Filippin üzərində 1,5-1,6 metr uzunluğunda “2024 RW1” adlı asteroid düşüb.
Yeniavaz.com xəbər verir ki, bu barədə Avropa Kosmik Agentliyi (ESA) məlumat yayıb.
Bildirilir ki, hadisə Luzon adası yaxınlığında baş verib. Asteroidin qalıqlarının Yer atmosferi ilə toqquşmasının görüntüləri yerli sakinlər tərəfindən lentə alınıb.
ESA-nın məlumatına görə, Yerə hər həftə kiçik asteroidlər düşür, lakin alimlərin bunu hesablaya bilməsi nadirdir. Bu, bəşər tarixində planetə yaxınlaşması əvvəlcədən bəlli olan yalnız doqquzuncu asteroiddir.
