Bu gün "Neftçi"nin qadınlardan ibarət komandası UEFA Çempionlar Liqasında mübarizəyə başlayacaq.
Sportinfo.az xəbər verir ki, Siyasət Əsgərovun komandası Gürcüstanın Tsxaltubo şəhərində keçiriləcək görüşdə Avstriyadan “Sankt-Pölten” ilə qarşılaşacaq.
Tskaltubo Texniki Mərkəzin stadionunda oynanılacaq görüş Bakı vaxtı ilə saat 18:00-da başlayacaq. Matçı Xorvatiyadan olan hakimlər briqadası idarə edəcək.
Çempionlar yolunun 2-ci qrupundakı bu matçın qalibi “Vlajniya” (Albaniya) - “Lançxuti” (Gürcüstan) cütünün qalibi ilə finalda üz-üzə gələcək.
Cütlərin məğlubları isə üçüncü yer uğrunda oyunda qarşılaşacaqlar. Həmin oyunlar sentyabrın 7-də keçiriləcək.
4 sentyabr
18:00. “Sankt-Pölten” (Avstriya) – “Neftçi” (Azərbaycan)
Baş hakim: Jelena Kumer (Xorvatiya)
Tskaltubo Texniki Mərkəzi
