Mərkəzi Poçt Gömrüyünün əməkdaşları Taylanddan gələn iki bağlamada bir neçə min canlı qarışqa tapıblar.
Ucnoqta.az xəbər verir ki, gömrük xidməti qarışqaların Moskvaya göndərildiyini bildiriblər.
“Göndərənlər bəyannamədə paytaxta uşaq oyuncaqları və peçenye göndərdiklərini göstəriblər, lakin müfəttişlər qutuları skan edən zaman qida məhlulu ilə birlikdə sınaq borularında möhürlənmiş qarışqalar aşkar ediblər.
Burada müxtəlif növlər, o cümlədən tələ qarışqaları, yem axtaran qarışqalar və tropik ağac budaqları olan 171 inkubator var”, - deyə Federal Gömrük Xidmətindən bildirilib.
Gömrükçülər bağlamanı buraxmaqdan imtina etmək qərarına gəliblər. Qarışqalar göndərənlərə qaytarılıb. Onların barəsində işin başlanması məsələsi həll edilir.///tass
