2024-cü ildə Azərbaycan qızıl istehsalını artırıb.
Gundem.az rəsmi statistik məlumatlara istinadən xəbər verir ki, yanvar-iyul ayları ərzində ölkəmizdə 1 248,2 kq xalis qızıl istehsal olunub. Ötən ilin eyni dövrü ilə müqayisədə qızıl istehsalı təxminən 66 kq və ya 5,6 faiz artıb.
Bu qədər qızılın hazırkı bazar qiyməti 101 milyon dollara yaxındır.
Azərbaycanın qızıl istehsalı artsa da, gümüş istehsalında ciddi azalma var. Ötən ilin ilk 7 ayına nisbətən bu ilin eyni dövründə 1 906,8 kq gümüş istehsal olunub. Bu il istehsalın miqdarı 477 kq-a (20 faiz) yaxın azalıb.
