Suriyanın “Deyr əz-Zor” əyalətində Suriyanın “Koniko” qaz yatağı yaxınlığında yerləşən ABŞ hərbi bazasına hücum olub.
Yeniavaz.com xəbər verir ki, bu barədə iki amerikalı məmur “Reuters” agentliyinə məlumat verib.
Agentliyin məlumatına görə, atılan mərmilər hədəfə çatmayıb və bazanın yaxınlığında düşüb.
İlkin məlumatlara görə, hücum nəticəsində itki qeydə alınmayıb.
Mənbələrin sözlərinə görə, hərbi bazaya 6 mərmi atılıb. ABŞ-nin rəhbərlik etdiyi koalisiya hücuma artilleriya atəşi ilə cavab verib.
Qeyd edək ki, avqustun 5-də axşam İraqın qərbindəki Ənbar əyalətindəki Amerikanın Ayn əl-Əsəd aviabazasına da iki raket zərbəsi endirilib. Nəticədə 5 ABŞ hərbçisi və iki podratçı yaralanıb.
ABŞ müdafiə naziri Lloyd Ostin və onun israilli həmkarı Yoav Qalant İraqdakı aviabazaya hücumu “təhlükəli eskalasiya” adlandırıblar.

• Abş
• Hücum
• Suriya
• Itki
• Hərbi Baza
• Qaz Yatağı
• Hərbi Bazası
• Mərmil
• Baz
• Deyr Əz-Zor
• Koniko