Afrikanın Burkina Faso dövləti Ukrayna ilə diplomatik əlaqələri kəsə bilər. Qərbi Afrika Ölkələrinin Pan-Afrika Assosiasiyaları və Hərəkatları Konfederasiyasının (CAMPAO) prezidenti Abdoulaye Nabaluma bu barədə “İzvestiya” qəzetinə müsahibəsində bildirib.
Onun sözlərinə görə, Ukrayna hakimiyyətinin hərəkətləri müharibə elan etməyə bərabər idi. Nabaluma qeyd edib ki, Niger, Mali və Burkina Faso təkcə diplomatiya və iqtisadiyyat sahəsində deyil, həm də təhlükəsizlik sahəsində konfederasiya yaradıblar. Ona görə də Mali və Nigerin Kiyevlə diplomatik əlaqələrini kəsdikdən sonra Burkina Faso tərəfindən Ukrayna ilə münasibətlərin kəsilməsi ardıcıl, məntiqli və aşkar olardı.
Nabaluma vurğulayıb ki, Kiyevlə münasibətlərin kəsilməsi təkcə mümkün deyil, həm də Burkina Faso üçün son dərəcə arzuolunandır.
Bundan əvvəl Mali və Niger BMT Təhlükəsizlik Şurasından (TŞ) Ukraynanın Malinin şimalındakı silahlı qruplara dəstəyi ilə bağlı məlumatları araşdırmağı xahiş edib.
Oxuməni.az
