Ukraynanın dövlət və dövlət zəmanətli borcu cari ilin iyunun 30-dək 6 trilyon 168 milyard qrivna və ya 152,16 milyard dollar təşkil edib.
Bu barədə AZƏRTAC Ukrayna Maliyyə Nazirliyinin məlumatına istinadla xəbər verir.
2024-cü ilin iyun ayında borcun məbləği qrivna ekvivalentində 52,71 qrivna, dollar ekvivalentində isə 1,16 milyard dollar artıb. İlin əvvəlindən dövlət borcu 6,84 milyard dollara çatıb.
Maliyyə Nazirliyinin məlumatına görə, hazırda dövlət borcu əsasən beynəlxalq tərəfdaşlardan uzunmüddətli güzəştli maliyyələşmənin artmasına görə böyüyür. Ukraynanın borcunun böyük hissəsini beynəlxalq maliyyə qurumları və digər ölkələrin hökumətlərindən alınan borclar təşkil edir.
Bununla belə Ukrayna Beynəlxalq Valyuta Fonduna 248,6 milyon dollar ödəyib.
Emil Hüseynli
Kiyev
Mənbə: AZƏRTAC
