Bir sıra qalmaqallarla yadda qalan Salome Zurabişvilidən sonra hakim “Gürcü arzusu”nun fəxri sədri və qurucusu, milyarder Bidzina İvanişvili Gürcüstan prezidenti ola bilər.
Belə bir ehtimalla bağlı fikirləri bu gün ilk dəfə olaraq Ədliyyə Nazirliyinin rəhbəri Rati Breqadze səsləndirib: “Cənab İvanişvili, prezidentliyə namizədliyini irəli sürmək qərarına gəlsə, əminəm ki, o, Gürcüstan tarixinin ən yaxşı prezidenti olacaq”, – nazir deyib. İvanişvilinin prezident seçilmə ehtimalı ilə bağlı başqa şərh verilməyib. Qeyd edək ki, Gürcüstan prezidenti birbaşa seçki yolu ilə seçilmir. İndi o, 300 seçicidən ibarət kollegiya tərəfindən seçilir. Buraya yeni seçilmiş parlament üzvləri və regionların nümayəndələri daxildir.
Bundan əvvəl Gürcüstanın Dövlət Təhlükəsizliyi Xidməti İvanişviliyə və digər yüksək rütbəli məmurlara sui-qəsd hazırlayan cinayətkar qrupun aşkarlandığını açıqlamışdı. Beləliklə, hücumçular dağıntı və xaos səpmək, sonra isə hökuməti devirmək istəyiblər.
//Samir Qurbanov, Editor.az
