Co Baydenin noyabrda prezidentlik yarışından imtina etməsi və onun müavini Kəmalə Harrislə əvəzlənməsi bütün dünyada rezonans yaratmaqda və qəzet başlıqlarını bəzəməkdə davam edir. Bu geri çəkilmənin əks-sədası hələ də davam edərkən Demokratlar Partiyası ilə bağlı çox təəccüblü bir iddia gündəmə bomba kimi düşüb. ABŞ mətbuatında yer alan bir xəbər Demokratlar Partiyası daxilində “şantaj” iddiası ilə sözün əsl mənasında yenidən cəhənnəm qopdu.
***
“Tələsik prezidentin yenidən seçilmək istəməsini dayandırmaq üçün yaxşı təşkil edilmiş “saray çevrilişi” həftələrdir ki, həyata keçirilirdi, lakin Bayden hər addımda buna qarşı mübarizə aparır, namizədlikdə israrından əl çəkmirdi”, – Bayden ailəsi “The Posta” bildirib.
“The Post”a danışan mənbələrə görə, Demokratlar Partiyasının ən yüksək səviyyələrində olan şəxslər Co Bayden istefa vermədiyi təqdirdə onu vəzifəsindən zorla uzaqlaşdıracaqları ilə hədələyiblər.
Əslində, bu anonim mənbələr deyirlər ki, partiya üzvlərinin artan təzyiqləri Baydenin nümayiş etdirdiyi qəzəbi, paranoyanı və məyusluğu açıq şəkildə ortaya qoyur.
***
Hesabata görə, Baydeni yarışdan kənarlaşdırmaq üçün “müxtəlif” strategiyanın bir hissəsi, fiasko ilə bitəcəyi məlum idi. Ona görə də canlı televiziyada Respublikaçı namizəd Donald Trampa uduzsun deyə Baydeni debata çıxmağa məcbur etdilər. Belə desək, Baydenin “sonunu hazırlayan” bu debatdakı çıxışı olub.
“The Post”un hesabatında diqqəti çəkən iddialarla çıxış edən Demokrat Partiya üzvü, ən az iki ildir Baydenin “tənəzzülə uğradığı”nı bilinirdi: “Bir neçə il əvvəl onu görəndə vəziyyət qorxulu idi. O, sadəcə şüarları təkrarlayırdı və mənim kim olduğumu bilmirdi”.
***
“Bu canlı yayım demokratları prezidentliyə namizəd ola bilməyəcəyinə inandırmaq üçün tələ idi”, – Demokratlar Partiyasından bir mənbə “The Post”a deyib.
Onun geri çəkilməsinə çağırışlar artdıqca, Bayden davam edəcəyini israr etdi, lakin partiya rəsmiləri Baydeni ABŞ Konstitusiyasına 25-ci Düzəlişdən istifadə etməklə hədələyəyiblər: “Yaxşısı budur özün get, yoxsa...”.
Bu bənd vitse-prezident və kabinet üzvlərinə Baydeni vəzifəyə yararsız elan etməyə və onu istefaya məcbur etməyə imkan verir.
Bayden yarışdan geri çəkilərkən Kamala Harrisə işarə etsə də, pərdə arxasında demokrat nümayəndələrin avqustda keçiriləcək Demokratik Milli Konvensiyada Arizona senatoru və keçmiş astronavt Mark Kellini prezidentliyə namizəd kimi dəstəkləməyə güclü şəkildə təşviq ediləcəyi deyilir.
