Gələn həftə Vaşinqtonda keçiriləcək NATO sammitinə hazırlaşan diplomatlar və dünya liderləri ABŞ Prezidenti Co Baydenin yaşı, səhhəti və 2024-cü il prezident seçkilərində qalib gəlmək qabiliyyəti ilə bağlı kəskin narahatlıqlarını ifadə edirlər.
“Cebhe.info” xəbər verir ki, “Politico” belə yazır.
Nəşr NATO və ya qarşıdan gələn sammitlə əlaqəli 20 nəfərlə həmsöhbət olun, alyansın bir çox üzvləri debatdan çox əvvəl Baydenin şansları ilə bağlı ehtiyatlı şübhələrini ifadə ediblər.
“İndi onlar Baydenin Donald Trump ilə son debat performansına həyəcan və təşvişlə reaksiya verdilər.
Prezidentin qoca olduğunu görmək üçün dahi lazım deyil. Biz əmin deyilik ki, o, qalib gəlsə belə, daha 4 il yaşaya biləcək”, - NATO-nun Avropa ölkələrindən birinin rəsmisi bildirib.
Başqa bir mənbə Baydenin debatdakı çıxışını izləməyin ağrılı olduğunu deyib:
“Düşünürəm ki, onun kampaniyasını davam etdirməsi və vəzifəsində qalması çox çətin olacaq”,- deyə AB-nin yüksək səviyyəli diplomatlarından biri vurğulayıb. O əlavə edib ki, onu əvəz edib-etməmək qərarı Demokratik Partiyadan asılı olsa da, bütün variantlara baxmalıdırlar.
Üstəlik NATO müttəfiqlərinin narahatlıqları arasında Baydenin Avropanın müdafiəsi üçün Amerika dəstəyini nə vaxta qədər toplaya biləcəyi də var.
“Biz öz müdafiəmizlə bağlı daha çox söhbət edirik, çünki Tramp geri qayıdacaq kimi görünür”,- deyə NATO ölkələrindən bir rəsmi bildirib.
Bundan əlavə, bəzi NATO müttəfiqləri Baydenin liderliyindən tam razı deyillər. Çoxları hesab edirlər ki, o, silahla təmin etmək və Kiyevə Rusiyanı vurmaq icazəsi verməkdə çox ehtiyatlı davranıb.
Bu şikayətlər əsasən Şərqi Avropadan olan və Ukraynanın hərbi yardımdan istifadəsinə heç bir məhdudiyyət qoyulmamasını istəyənlər tərəfindən səsləndirilir.
