Çinin Tianjin Universitetinin tədqiqatçıları insan beyni ilə işləyən robot yaradıblar.
Moderator.az xəbər verir ki, Frankenşteynə bənzər robot öz növünün ilki olub.
Robot laboratoriyada yetişdirilmiş beyin orqanoidindən, hüceyrə kütləsindən və beynin sinir sistemi ilə qarşılıqlı əlaqədə olan kompüter çipindən istifadə etməklə işləyir.
Robot sensorlardan və robota hərəkət etməyə, obyektləri tutmağa və maneələrdən qaçmağa imkan verən süni intellektlə işləyən alqoritmdən istifadə edir.
O, insan beyni kimi işləyən "çip üzərində beyin" kimi təsvir edilir. Tədqiqatçılar hesab edirlər ki, bu texnologiya insan-kibernetik orqanizm münasibətlərində mühüm rol oynayacaq.
Çinli mütəxəssislərin istifadə etdiyi interfeys insanın beyninə yerləşdirilən və ağlı ilə kompüteri idarə etməyə imkan verən İlon Maskın Neuralink çipini yaratmaq üçün istifadə edilən sistemlə eynidir.
