“Daily Beast” portalı ABŞ-ın keçmiş prezidenti Donald Trampın hazırkı prezident Co Baydenlə debatın nəticəsini müzakirə etdiyi video yayımlayıb.
Burada keçmiş prezident iddia edir ki, Bayden qarşıdan gələn seçkilərdən namizədliyini geri götürəcək. Donald Trampın sözlərinə görə, onun yerini vitse-prezident Kamala Harris tutacaq. Tramp onu daha zəif rəqib hesab edir. Videonun dəqiq nə vaxt və harada çəkildiyi məlum deyil.
Tramp qolf arabasında oturur və yaxınlıqda dayanan insanlarla ünsiyyət qurur. O, Co Baydeni “parçalanmış axmaq yığını” adlandırır: “Mən onu (Co Bayden) yarışdan kənarlaşdırdım və bu o deməkdir ki, bizdə Kamala (Harris) var, məncə o, daha yaxşı olacaq. O, çox pis, o qədər yazıqdır ki…”, Tramp deyir. Trampın sözlərinə görə, Co Bayden Rusiya prezidenti Vladimir Putinə və ÇXR-in “qəddar” lideri Si Cinpinə müqavimət göstərə bilməyəcək.
//Samir Qurbanov, Editor.az
