Belarus Şanxay Əməkdaşlıq Təşkilatına üzv oldu
Qazaxıstan Prezidenti Kasım-Jomart Tokayev Belarus Respublikasının Şanxay Əməkdaşlıq Təşkilatına (ŞƏT) tamhüquqlu üzv olduğunu elan edib.
Yeniavaz.com TASS-a istinadla xəbər verir ki, bu barədə Qazaxıstan Prezidenti respublikanın ŞƏT-ə qəbulu haqqında sənədi imzaladıqdan sonra bildirib.
Beləliklə, Belarus təşkilatın sayca 10-cu üzvü olub.
Qeyd edək ki, bu gün Astanada ŞƏT sammitinin açılışı olub.
Xatırladaq ki, hazırda təşkilatın tərkibi 10 üzv, 2 müşahidəçi və 14 dialoq tərəfdaşı olmaqla 26 ölkədən ibarətdir.
