Argentina millisinin kapitanı Lionel Messi ABŞ-da təşkil olunan Amerika Kubokunun 1/4 final mərhələsində Ekvadorla matçı buraxa bilər.
Msport.az xəbər verir ki, bu barədə “tanqoçular”ın baş məşqçisi Lionel Skaloni açıqlama verib.
“Messi ilə bağlı qərar verməzdən əvvəl gözləyəcəyik. Dünən biz Leo haqqında yaxşı hisslər keçirdik. Lautaro Martines və Xulian Alvares kimi seçimlərimiz var. Leo meydanda olmasa, onlar matça birlikdə başlaya bilərlər”.
Qeyd edək ki, Argentina – Ekvador matçı sabah Bakı vaxtı ilə saat 05:00-da başlayacaq.
