Almaniyada keçirilən AVRO-2024-ün azarkeşləri "Deutsche Bahn" şəhərlərarası qatarlarının daimi gecikmələrindən şikayətlənirlər.
Qaynarinfo bu barədə "Bild" qəzetinə istinadən xəbər verir.
Bəzi azarkeşlər qatara minə bilmədiklərindən sevimli komandasının oyunlarına baxa biləyiblər. "Bild" jurnalistləri hesab edir ki, bu, bütün Almaniya üçün biabırçılıqdır.
"Çətin rəqib" - bu yaxınlarda "New York Times" təkcə futbol azarkeşlərinə deyil, hamımıza müraciət edərək "Deutsche Bahn"dan yazdı. Biabırçılıqdır. Konsernin özünə görə, bu gün qatarla təyinat yerinə vaxtında çatma ehtimalı cəmi 50% təşkil edir. Bu utancvericidir. İstər təmir işləri ilə bağlı yaranmış xaos, istərsə də tamamilə sıradan çıxan qatarlar: "Made in Germany" brendinin dağılan imicini simvolizə edən qatarlardır. İndi bütün Avropa, hətta bütün dünya bizi izləyir, bu, xüsusilə kəskin şəkildə diqqəti cəlb edir. Amma bəlkə də dəmiryolçuları və siyasətçiləri nəhayət ayılmağa vadar edəcək bu şok və bütün dünyanın ələ salmasıdır", deyə "Bild" jurnalisti Feliks Rupprext yazır.
"Dünya dostları ziyarət edir” - 2006-cı ildə bizim əfsanəvi evimizdə keçirilən Dünya Kubokunun şüarı belə idi. "Avropa bizim qatarlarımızda və stansiyalarımızda ilişib qalıb" - bu, cari Avropa çempionatı 2024-ün şüarı olmalıdır! Çünki azarkeşlər qatar gecikmələri və ya ləğvlər səbəbindən oyunları qaçırırlar", deyə "Bild"in köşə yazarları Burxard Uhlenbroyx və Daniel Peters qeyd edib.
Aydın
