Ermənistan beynəlxalq platformalarda özünün “Dünyanın kəsişməsi”ni təbliğ etməkdə davam edir. Bu yaxınlarda Avropa turnesində Ermənistanın xarici işlər naziri Ararat Mirzoyan bu layihəni dəstəkləməyə çağırıb.
Bundan əvvəl isə Estoniyada Beynəlxalq Müdafiə və Təhlükəsizlik Mərkəzində (ICDS) analitik mərkəzdə keçirilən dəyirmi masada çıxış edən Mirzoyan “beynəlxalq tərəfdaşların bu təşəbbüsü müsbət qiymətləndirdiyini” bildirib. O vurğulayıb ki, “layihə Ermənistanın sülh gündəliyinə sadiqliyini və regionun sabit inkişafını təmin etməyə hazır olduğunu nümayiş etdirir”. Daha asan və səmərəli Zəngəzur dəhlizi olanda niyə sol qulağını sağ əlinlə qaşıyasan? Belə ikili oyunun məqsədi nədir?
Cənubi Qafqaz Araşdırmaları Mərkəzinin rəhbəri Fərhad Məmmədov bildirir ki, “Dünyanın kəsişməsi”nin bütün təbliğatı sadə bir məsələyə - Zəngəzur dəhlizinin açılması mövzusuna yarayır və Ermənistan rəhbərliyi bunun üçün nə etmək lazım olduğunu bilir.
Rusiyalı politoloq Ruslan Səfərov isə hesab edir ki, "Ermənistan bu yol ayrıcına çevrilə bilməz. Niyə? Çünki hələ sovet dövründə infrastruktur layihələrinə pul əsirgəməyəndə indiki Sisiandan Meğriyə qədər heç kim yol çəkməyib. Bunlar Kiçik Qafqazın dağları olduğuna görə, əlbəttə ki, onu tikmək mümkündür, lakin bu, tamamilə “qızıl yol” olacaq və yalnız bir neçə min ildən sonra öz bəhrəsini verəcək".
Ülviyyə, Hurriyyet.az
