Daxili İşlər Nazirliyinin açıqladığı seçki nəticələrinə görə, ifrat sağçı Marin Le Penin rəhbərlik etdiyi Milli Birlik (RN) partiyası və alyansa daxil olan digər ifrat sağçı partiyalar səslərin 33,15 faizini alaraq birinci olub. Sol partiyaların yaratdığı Xalq Cəbhəsi Alyansı (LFİ) 28 faizlə ikinci yerdə qərarlaşıb. Prezident Emmanuel Makronun “Birgə Respublika naminə” alyansı 20 faiz səslə üçüncü yerdə dayanıb. Seçkidə ən çox itirənlər, Makron alyansı ilə yanaşı, səs payı 6,6 faizə enən sağ mərkəzçi Respublikaçılar Partiyası olub. 2022-ci ildə keçirilən əvvəlki ümumi seçki ilə müqayisədə ifrat sağçıların səsi 14, sol ittifaqın səsi 2 bal artarkən, səs itkisi Makron ittifaqı üçün 6, Respublikaçılar üçün 4 bal olub. Seçkilərdə partiya və ittifaqların qalib gəlmək üçün mübarizə apardığı Nümayəndələr Palatasındakı 577 yerdən 76-sı birinci turda qazanıldığı halda, qalan 501 yerin sahibləri iyulun 7-də keçiriləcək ikinci turda müəyyənləşəcək.İlk turda dairələrdə səslərin 50 faizinə çatan 76 deputatdan 38-nin ifrat sağçılara, 32-nin solçulara, 2-nin Makron alyansına, qalan 3-nün isə sağ mərkəzçi Respublikaçılar və digər sağçı partiyalar aid olduğu açıqlanıb. Qalan 501 seçki dairəsində keçiriləcək ikinci turda birinci turda minimum 12,5 faiz səs toplayan namizədlər mübarizə apara biləcək və ən çox səs toplayan namizəd millət vəkili seçiləcək.
Seçkilərin nəticələri açıqlandıqdan sonra mərkəz sağ və sol partiyalar adından edilən ilk qiymətləndirmələr onların iyulun 7-də keçiriləcək ikinci turda ifrat sağçılara qarşı əməkdaşlıq etmək istəyini ortaya qoydu. Prezident Makron nəticələr elan edildikdən dərhal sonra verdiyi açıqlamada yüksək fəallığın onun “siyasi vəziyyətə aydınlıq gətirmək” istəyinin göstəricisi olduğunu bildirib.
Seçkiləri şərh edən ifrat solçu Jan-Lyuk Melenşon bu nəticənin “Emmanuel Makrona ağır və mübahisəsiz məğlubiyyət verdiyinə” inandığını bildirib. Bu seçkidə müəyyən olan tək şeyin baş nazir Qabriel Attalın vəzifəsini tərk etməsi olduğunu qeyd edən Melenşon, "Yeganə alternativ bu olduğu üçün mütləq çoxluğu Yeni Xalq Cəbhəsinə (sol koalisiya) verməliyik" dedi.
Keçmiş baş nazir və Makron alyansına daxil olan Üfüqlər Partiyasının lideri Eduard Filip də ikinci tur üçün əməkdaşlığa çağırıb. İkinci turda radikal partiyalara qarşı ifrat sağçı RN və ifrat sol LFI partiyalarına toxunaraq əməkdaşlıq edəcəklərini ifadə edən Filip, "RN və ya LFI namizədlərinə səs verilməməlidir. Sağda hər şeyin yenidən qurulması lazımdır və mən buna hazıram” dedi.
RN lideri Marine Le Pen bildirib ki, heç bir şübhə yeri qoymayan səsvermə ilə seçicilər "7 illik prezident Emmanuel Makronun alçaldıcı və aşındırıcı gücündən sonra yeni səhifə açmaq istəklərini nümayiş etdirdilər". Le Pen deyib: "Heç nə qazanılmayıb və ikinci tur ölkənin zorakı solçu Nupes koalisiyasının (sol ittifaq) əlinə keçməsinin qarşısını almaq üçün həlledici olacaq".
