Avstraliyada restoranda ailəyə meyvə suyu əvəzinə pestisidlər verilib.
Publika.az xəbər verir ki, sifariş verdikləri meyvə şirəsindən içən ailə şirənin dadında qəribəlik olduğunu anlayıb. Ailə içkinin tərkibində pestisid ola biləcəyindən şübhələnərək vəziyyəti dərhal səlahiyyətlilərə çatdırıb.
Hadisə yerinə tibb qrupları və polis gələrək araşdırma aparıb. İlkin araşdırmalar müəyyən edib ki, içkinin tərkibində həqiqətən pestisidlər olub.
Bundan sonra xəstəxanaya çatdırılan ailə üzvlərinə tibbi yardım göstərilib. Vaxtında edilən müdaxilə nəticəsində ailə üzvlərinin vəziyyətinin yaxşı olduğu bildirilib.
