Macarıstanın baş naziri Viktor Orban Ukrayna prezidenti Vladimir Zelenski ilə danışıqlar aparmaq üçün Kiyevə gəlib. Digər məsələlərlə yanaşı, siyasətçilər Rusiya-Ukrayna münaqişəsində mümkün sülhün bərqərar olmasını müzakirə edəcəklər.
“Aİ Şurasına sədrlik edən Macarıstanın baş naziri Viktor Orban çərşənbə axşamı səhər Kiyevə gəlib və orada Ukrayna prezidenti Vladimir Zelenski ilə danışıqlar aparacaq”, – Orbanın mətbuat katibi Bertalan Havasi bildirib.
Turkustan.az xəbər verir ki, Macarıstan baş nazirinin mətbuat xidmətinin rəhbəri qeyd edib ki, tərəflər arasında danışıqların əsas mövzuları “ sülhün bərqərar olmasının mümkünlüyü ”, həmçinin “Macarıstan və Ukrayna arasında münasibətlərin aktual məsələləri” olacaq.
Orbanın gəlişindən əvvəl Ukrayna tərəfi üçün ilkin hazırlıqlara həsr olunmuş uzun danışıqlar aparılıb. Macarıstan Xarici İşlər Nazirliyi onu da qeyd edib ki, Orbanın Ukraynanın paytaxtına gəlişi yalnız konkret müsbət nəticələr real olarsa mümkündür.
Eltac Zülfüqaroğlu/Turkustan.az
